प्रधानमन्त्री नेपाल व अमेरिकी उपसहायकमन्त्री मुन दथुइ खँल्हाबंला
अमेरिकां नेपाःया शान्ति प्रकृयायात निष्कर्षय् थ्यंकेत आवश्यक दक्वं ग्वाहालि यायेगु प्रतिबद्धता प्वंकूगु दु ।
प्रधानमन्त्री माधवकुमार नेपालनाप सोमवाः नापलानादीसें अमेरिकी विदेश मन्त्रालयया दक्षिण व मध्यएसिया मामिला स्वइम्ह उपसहायकमन्त्री पेट्रीक मुनं अमेरिकी सरकारया पाखें नेपाःया शान्ति प्रकृयायात निष्कर्षय् थ्यंकेत ग्वाहालि यायेगु प्रतिवद्धता प्वंकादीगु खः ।
सिंहदरवारय् च्वंगु प्रधानमन्त्रीया ज्याकूथी जूगु खँल्हाबंलाय् नेपाःया शान्ति प्रकृया, उच्चस्तरीय राजनीतिक संयन्त्र व अमेरिकी ग्वाहालि विस्तार लगायतया विषयलय् सहलह जूगु खः । अथेहे उगु इलय् उपसहायकमन्त्री मुनं नेपाःया शान्ति प्रकृया व संविधान निर्माणया बारे च्यूताः प्वंकादीगु खः ।
सोमवाः हे वयेकलं उपप्रधान नापं परराष्ट्रमन्त्री सुजाता कोइरालानाप नं खँल्हाबंला यानादीगु दु ।
