'भारत नाप सीमापार अपराध नियन्त्रणया बारे सहलह जुइ'
गृहमन्त्र भीम रावलं भारतीय पक्ष नाप सीमा क्षेत्र व सीमापार अपराध नियन्त्रणया सम्बन्धय् सहलह जुइगु खँ धयादीगु दु ।
प्यन्हुन्यंकया भारत भ्रमणया निंतिं प्रस्थान याये न्ह्यः त्रिभुवन अन्तर्राष्ट्रिय विमानस्थलय् पत्रकारतनाप खँल्हाबंला यानादिसें वयेकलं भारत भ्रमणया झ्वलय् भूटानी शरणार्थी लगायतया बारे नं सहलह जुइगु कनादिल । वयेकलं महानगरिययात थप साधन स्रोत सम्पन्न दयेकेगु, लागु औषधया कारोवार नियन्त्रणया निंतिं परस्पर ग्वाहालिया वातावरण दयेकेगु लगायत थःगु एजेण्डाय् दुगु कनादिल ।
गृहमन्त्री रावल सोमवाः स्वंगूलिं सुरक्षा अंगया प्रमुख सहित भारत प्रस्थान यानादीगु खः । वयेकलं भारतीय प्रधानमन्त्री मनमोहन सिंह, गृहमन्त्री पी चिदम्बरम, प्रहरी, सीमा सुरक्षा बल एसएसबी लगायत थीथी अर्धसैनिक बल, इन्टेलिजेन्स ब्यूरो व रिसर्च एण्ड इनालाइसिस विङ 'र'या सुरक्षा अधिकारीत नाप नापलानादीगु ज्याझ्वः दु ।
