कैदी बिसिउँ वंगुलिं प्रहरी निलम्बित
येँ (सन्ध्या टाइम्स)/कपिलवस्तुया जेलं सुरुङ म्हुयाः च्याम्ह कैदी बिसिउँ वंगु खँयात कयाः कारागार सुरक्षाय् खटे जुयाच्वंपिं सुरक्षाकर्मित मध्ये डिएसपी मनबहादुर थापा नापं वया कमाण्डय् दुपिं झिंगुम्ह प्रहरीतय्त प्रहरी ज्याकू कपिलवस्तुं निलम्बन याःगु दु। निलम्बन धुंकाः इमित जिल्ला प्रशासन ज्याकूया हिरासतय्त तयाः अनुसन्धान न्ह्याकूगु दु ।
कैदीत बिसिउँ वंगु घटनायात कयाः छानबिन यायेगु निंतिं जिल्ला प्रशासन ज्याकू कपिलवस्तुं सहायक प्रमुख जिल्ला अधिकारी कोशलराज शर्माया संयोजकत्वय् प्रहरी निरीक्षक केदार खनाल व अनुसन्धान अधिकृत श्रृजंग पाण्डे दुगु छानबिन समिति दयेकूगु दु ।
प्रहरीं बिसिउँ वंपिं कैदीत मालेगु ज्या न्ह्याकेधुंकूगु दु। उगु हे जेलं २०६३ सालय् नं छपुचः कैदीत थथे हे सुरुङ्ग म्हुयाः बिसिउँ वंगु खःसा २०६४ सालय् नं अथे हे बिसिउँ वनेत जूगु कुतलय् छम्ह प्रहरी सीगु खः ।
