मोटरसाइकल खुईपं गिरोह ज्वन
मोटरसाइकल खुईपं छगू गिरोहयात नवलपरासीइ ज्वंगु दु । पोखराय् मोटरसाइकल खुयाः नवलपरासी च्वं वईपं झिंनिम्हेसित पोखराया प्रहरीं नवलपरासीया स्थानीय प्रहरीया ग्वाहालिइ ज्वंगु खः । उमिपाखें खुया हयातःगु झिंनिगः मोटरसाइकल नं प्रहरीं बरामद याःगु दु ।
प्रहरीं नवलपरासीया कावासोती अर्घोली व कोलुवां उगु गिरोहयात ज्वंगु खः । आः उगु गिरोहयात आवश्यक
कारवाहीया निंतिं पोखराय् यंकूगु जानकारी नवलपरासीया प्रहरीं बिउगु दु ।
