थनिनिसें न्हिइ गुघौ लोडसेडिङ जुइगु

नेपाल विद्युत प्राधिकरणं थनिनिसें लोडसेडिङया ई न्हिइ गुघौ थ्यंकूगु दु । प्राधिकरणं लोडसेडिङया न्हूगु तालिका सार्वजनिक यासें थनिनिसें लागू जुइगु कथं सुथय्, न्हिनय् व बहनी यानाः न्हिइ निकः प्यघौ निसें न्याघौ तक विद्युत आपूर्ति कटौती यायेगु धाःगु दु । थ्वहे कथं लोडसेडिङया ई वालय् खुइस्वघौ थ्यंगु दु । थ्वसिवें न्ह्यः न्हिइ च्याघौ लोडसेडिङ जुइगु यानाच्वंगु खः । राष्ट्रपतिया ज्याकू, मन्त्री निवास, सिंहदरबार, बालाजु औद्योगिक क्षेत्र नापंया थासय् धाःसा विद्युत कटौती मजुइगु धाःगु दु । खुसिइ लःया बहाब म्हो जूगुलिं विद्युत उत्पादन घटेजूगु हुनिं लोडसेडिङ अप्वयेकेमाःगु प्राधिकरणं धाःगु दु । लिपांगु निलाया दुने लोडसेडिङ प्यघौ अप्वयेकूगु दु । लोडसेडिङ अप्वयेवं थुकिया मार दकले अप्वः उद्योगधन्दा व कलकारखानाय् लाःगु दु ।