फोरमया विवाद आःयात थाति

मधेशी जनअधिकार फोरम दुने ब्वलंगु विवाद आःयात साम्य जूगु दु । म्हिगः बहनी लिबाक तक च्वंगु फोरम संसदीय दलया बैठकं आःया मन्त्रीतय् राजीनामा कायेगु मागयात थाति तसें थ्व समस्यायात केन्द्रीय समितिइ यंकेगु निर्णय याःगु खः । सभासदतय्सं थः मन्त्रीतय्त लित सःतगु माग यासें प्रधानमन्त्रीयात निवेदन बीवं फोरमया विवाद पिहां वःगु खः । उखे गच्छेदार पुचलं अध्यक्ष उपेन्द्र यादवं सभासदतय्त थः विरुद्ध ल्ह्वंगु द्वपं बिउगु दु ।