राजधानी चितवनय् तयेगु प्रस्ताव
येँ (सन्ध्या टाइम्स)/संविधानसभाया राज्य पुनर्संरचना नापं राज्य शक्ति बाँडफाँड समितिया उप समितिं संघीय नेपाःया केन्द्रीय राजधानी चितवनय् तयेगु प्रस्ताव तयार याःगु दु। उगु प्रस्तावयात कयाः समितिया पूर्ण मुँज्याय् थनिंनिसें सहलह ब्याकीगु खँ नं सीदुगु दु ।
नारायणी प्रदेशय् लानाच्वंगु चितवनय् केन्द्रीय राजधानी तयेगु प्रस्ताव याःगु खः। उपसमितिं खप्तड, कर्णाली, थरुहट, पश्चिम मधेश, मगरात, तमुवान, नारायणी, ताम्सालिङ, नेवाः, मधेश, सुनकोसी, किराँत, विराट व लिम्बुवान यानाः झिंप्यगू प्रदेशया प्रस्ताव नं तयार याःगु दु। संघीय नेपाःया राज्य पुनर्संरचनाया अवधारणायात कयाः राज्य पुनर्संरचना समितिइ सहलह ब्याकीगु जूगु दु ।
माओवादी नेता हितमान शाक्य अध्यक्ष जुयादीगु उगु समितिं तःन्हु तक गृहकार्य यानाः उगु प्रस्ताव तयार याःगु खः ।
