संयन्त्रं संविधान निर्माणय् ग्वाहालि याइगु प्रमया विश्वास
प्रधानमन्त्री माधवकुमार नेपालं राजनीतिक समस्या ज्यंकेत गठन जूगु उच्चस्तरीय राजनीतिक संयन्त्रं निर्धारित इया दुने शान्ति प्रकृयायात सार्थक निष्कर्षय् थ्यंकेत व संविधान निर्माण यायेगु ज्याय् ग्वाहाली याइगु विश्वास प्वंकादीगु दु ।
शुक्रवाः सुथय् राष्ट्रपति डा. रामवरण यादव नाप जूगु खँल्हाबंलाय् वयेकलं राजनीतिक दलत दथुइ गठन जूगु उच्चस्तरीय संयन्त्रया बारे जानकारी बियादिसें थुकीं संविधान निर्माणय् ग्वाहालि याइगु बिचाः प्वंकादीगु खः ।
राष्ट्रपति भवन शितल निवासय् जूगु खँल्हाबंलाय् प्रधानमन्त्री नेपालं शान्ति प्रकृयायात सार्थक निष्कर्षय् थ्यंकेत थः त्रियाशिल जूगु धयादिल । नापं वयेकलं माओवादी लडाकूया समायोजन व पुनःस्थापनाया निंतिं समयसीमा सहित ज्या न्ह्यकाःगु बारे नं जानकारी बियादिल ।
अथेहे राष्ट्रपति यादवं एमालेया संसदीय दलं थःगु अभिव्यक्ति प्रति आपत्ति प्वंकूगु बुखँया बारे प्रधानमन्त्रीया ध्यानाकर्षण याकादीगु खसाः प्रधानमन्त्री नेपालं संचार माध्यमय् पिहांवः कथं एमालें अज्याःगु निर्णय मयाःगु कनादिल ।
वयेकपिं दथुइ राष्ट्रपति यादवया भारत भ्रमणया बारे नं खँल्हाबंला जूगु खः ।
