अख्तियारया आयुक्तय् बरालया नां अनुमोदन

संसदीय विशेष समितिं अख्तियार दुरुपयोग अनुसन्धान आयोगया आयुक्तय् केशव बरालया नां सर्वसम्मतं अनुमोदन याःगु दु ।

पुलाम्हं प्रहरी अतिरिक्त नायव महानिरीक्षक बरालया नां मन्त्रीपरिषदया बैठकं आयुक्तय् सिफारिस याःगु खः । बिहीवाः जूगु सुनुवाईलय् बरालं दक्वं कथंया राजनीतिक हस्तक्षेप स्वयां च्वये च्वनाः ज्या यायेगु प्रतिबद्धता प्वंकादिल । वयेकलं समितिलय् झिगू बुँदे कार्य योजना नं न्ह्यब्वयादीगु खः ।

बरालया विरुद्ध संसदीय समितिलय् निगू उजुरी लाःगु खसां लिपाः सहलह लिपाः वयेकया नां अनुमोदन याःगु खः । कार्यवाहक प्रमुख आयुक्त ललितबहादुर लिम्बु सहित निम्ह आयुक्त थःथःगु पदं अवकास जुइवं आयोग पदाधिकारी बिहीन जूगु खः ।