सीम्ह सहित भारतीय महावाणिज्य दूतावस न्ह्यने प्रदर्शन
अनिश्चिकालीन पर्सा बन्द
वीरगंज पथलैया औद्योगिक करीडोरय् मंगलवाः बहनी गोलीं क्येकाः स्याम्ह एनेकपा (माओवादी)या स्थानीय नेता रोजश मण्डलया सीम्ह सहित माओवादी कार्यकर्तातय्सं वीरगंज स्थित भारतीय महावाणिज्य दूतावास ज्याकू न्ह्यनख विरोध प्रदर्शन याःगु दु ।
माओवादी कार्यकर्तातय्सं बुधवाः न्हिनय् नारायणी उपक्षेत्रीय अस्पतालय् तयाःतःगु मण्डलया सीम्ह ज्वनाः विरोध जुलुस पिकाया नगरया मूमू सतक चाहिलाः श्रीपुरय् दुगु भारतीय महावाणिज्य दूतावासया ज्याकू न्ह्यने विरोध प्रदर्शन याःगु खः ।
अखिल नेपाल ट्रेड युनियन महासंघ भोजपुरा उपराज्य समितिया संयोजक बाबुराम कौशिकं भारतया हे प्रत्यक्ष संलग्नताय् थुगु घटना जूगुलिं भारतीय महावाणिज्य दूतावास न्ह्यने प्रदर्शन यानाःगु कनादिल ।
मंगलवाः बहनी मोटर साइकलय् वःगु अज्ञात सशस्त्र पुचलं मण्डलयात गोली क्येकूगु खः । छ्योनय् गालीं लाम्ह मण्डल घटनास्थलय् हे मदुगु खः । हत्याया विरोधय् माओवादीं अनिश्चिकालीन पर्सा बन्दया आह्वान याःगु दु । बन्दया कारणं मंगलवाः अनया यातायात, शिक्षण संस्था, बजाः आदि ठप्प जूगु दु ।
