प्रहरीयात ७२ घण्टाया अल्टिमेटम
येँ (सन्ध्या टाइम्स)/वाइसीएलं धरानया प्रहरीयात ७२ घण्टाया अल्टिमेटम बिउगु दु ।
प्रहरीया मोष्टवान्टेडय् लानाच्वंम्ह उदयकुमार लिम्बुयात वाइसीएलं ज्वनाः प्रहरीयात लःल्हाःगु खःसा प्रहरी हिरासतं हे अभियुक्त बिसिउँ वंगु हुनिं वयात हाकनं ज्वनाहयेत ७२ घण्टाया अल्टिमेटम बिउगु खः। पाँचथरया लिम्बुयात वाइसीएलं धरानय् वंगु २५ गते ज्वनाः प्रहरीयात लःल्हाःगु खः ।
उत्तम, अनुप, आयन नापं थीथी उपनां तयातःम्ह लिम्बुयात प्रहरीं हे हिरासतं त्वःताछ्वःगु द्वपंबिसें ७२ घण्टाया दुने मज्वन धाःसा थःपिंसं हे माःगु कथं पलाः ल्ह्वनेगु जुइ धकाः नं धाःगु दु ।
