कन्हय् नागरिक दबाव र्याली
येँ (सन्ध्या टाइम्स)/इलय् हे संविधान च्वयेत नापं शान्तिया नितिं नागरिक स्तरं कन्हय् छगू दबाव बीगु कथं र्याली पिकाइगु जूगु दु ।
संविधान निर्माणया नितिं राष्ट्रिव्यापी युवा दबाव अभियानया ग्वसालय् कन्हय् येँया भृकुटी मण्डप लागां र्याली पिकयाः येँया थाय् थासय् चाःहिले धुंकाः बसन्तपुरय् सांस्कृतिक सभा यानाः क्वचायेकेगु ज्याझ्वः तयातःगु दु ।
राजनीतिक दलतय् दथुइ ल्वापु तच्वया वनाच्वंगुयात म्हो यानाः समझदारी ब्वलंकाः इलय् हे संविधान निर्माण याके बीगु निंतिं हे उगु कथं नागरिक र्याली पिकायेत्यनागु खः धकाः ग्वसाःखलकं धाःगु दु ।
