अनिश्चितकालीन पर्सा बन्द

येँ (सन्ध्या टाइम्स)/म्ह मस्यूपिं मनूतय्सं एनेकपा (माओवादी)या भोजपुरा राज्य समितिया दुजः राजेश मण्डलयात गोलीं कयेकाः स्यानाबिउगु विरोधय् थौं सुथंनिसें माओवादीया कार्यकर्तातय्सं प्रदर्शन याना अनिश्चितकालिन पर्सा जिल्ला बन्द याःगु दु।माओवादी कार्यकर्तातय्सं सुथंनिसें हे थाय् थासय् प्रदर्शन यानाच्वंगुलिं अनया जनजीवन प्रभावित जूगु दु। माओवादीया स्वम्ह कार्यकर्तातय्त छक्वलं स्यानाबिउगु घटना जूगु छवाः हे मदुनिगु इलय् अन हाकनं म्हिगः मेम्ह कार्यकर्ता स्यानाबिउगु खः ।