थौं मगरातय् शिक्षण संस्था बन्द

येँ (सन्ध्या टाइम्स)/एनेकपा (माओवादी)या भ्रातृ संगठन अखिल क्रान्तिकारीं थौं मगरात राज्यय् शिक्षण संस्था बन्द आह्वान याःगु दु। थःपिनि कार्यकर्तायात झुठा मुद्दा तयातःगु लित कायेमाःगु माग यानाः थौं छन्हुया नितिं शिक्षण संस्था बन्द आह्वान याःगु खः। बन्द आह्वानं यानाः सल्यान, रोल्पा, रुकुम, प्यूठान, पाल्पा नापं च्यागू जिल्लाया शिक्षण संस्था प्रभावित जुयाः द्वलंद्वः विद्यार्थीतय् ब्वने मखंगु दुसा शिक्षण संस्था तकं पूर्ण रुपं बन्द जूगु दु। शिक्षण संस्था बन्द जूसां थौंकन्हय् जुयाच्वंगु स्नातक तहया न्हापांगु दँया परीक्षायात धाःसा पंगः थनागु मदु धकाः अखिल क्रान्तिकारीं धाःगु दु ।