थौं नेवाः फिल्मया संकिपाकःमित हनीगु
येँ (सन्ध्या टाइम्स)/नेवाः जागरण संकिपाकःमि हना ज्याझ्वः समितिं थौं छगू ज्याझ्वःया दथुइ नेपालभाषा व संस्कृतियात च्वन्ह्याका वयाच्वंपिं नेवाः संकिपाकःमितय्त मंकाः कथं हनेज्या याइगु जूगु दु। जनकवि दुर्गालाल श्रेष्ठ मूपाहां जुयादीगु उगु ज्याझ्वलय् संकिपाःकमिपिं रामशेखर नकःमि, अन्नपूर्णेश्वरी श्रेष्ठ, आर्यम नकःमि, सुरेन्द्र तुलाधर, गोविन्द ह्यूमत व भिंतुना जोशीयात हनीगु जूगु दु। थौं सनिलय् जुइगु उगु हनेज्या याये न्ह्यः नेपालभाषाया संगीत व संकिपा नखः धकाः सिडी व भिसिडी नं ब्वज्या जुइ धकाः ग्वसाः खलकं धाःगु दु ।
