प्रदेशया नितिं ककस समिति
येँ (सन्ध्या टाइम्स)/न्हूगु संविधानय् राज्य पुनर्संरचना कथं थीथी राजनीतिक पार्टीतय्सं थीथी आधारय् थीथी कथंया प्रदेशत दयेकेमाः धकाः सः तयाः थःथःपिनि अवधारणा न्ह्यब्वया वयाच्वंगु इलय् संविधानसभाया आदिवासी जनजाति सभासदतय्सं नं प्रदेशया बारे ब्यागलं कथंया अवधारणा तयार यायेगु नितिं छगू पुचः नीस्वंगु दु। नेपाली कांग्रेसया नेता नापं आदिवासी जनजाति सभासद् सभा (ककस)या नायः इन्द्र बहादुर गुरुङया नायःसुइ झिंछम्हेसि सभासदपिनिगु समिति दयेकूगु दु ।
आदिवासी जनजातियात अग्राधिकार, स्वायत्तता नापं स्वशासन दुगु प्रदेशत माः धकाः सः तयाः वयाच्वंगु ककसया म्हिगःनिसें धौख्यलय् न्ह्यानाच्वंगु आदिवासी जनजाति सभासदपिनिगु भेलां उगु कथं समिति दयेकूगु खः। थौं क्वचाइगु भेलां दयेकूगु झिंछम्हेसिया उगु समितिया दुजलय् सभासदपिं बुद्ध साय्मि, सुरेश आलेमगर, वर्षमान पुनः, पासाङ शेर्पा, कुमार राईपिं च्वनादीगु दु ।
