इसान कप २०६६ क्वचाल
ख्वप (सन्ध्या टाइम्स)/ख्वपया थीथी संस्थागत विद्यालय जानाः दयेकातःगु संस्थागत विद्यालय महासंघ नेपाल इसानपाखें छवाः यंकंया थीथी कासा क्वचाल। कासाय् त्याःगु स्कूल व विद्यार्थीतय्त शुक्रवाः शहीद स्मृति खेल मैदानय् जूगु छगू ज्याझ्वःया दथुइ नेमकिपाया अध्यक्ष नारायणमान बिजुक्छेँ रोहितं सिरपाः व दसिपौ लःल्हानादिल। वय्कलं कासाय् न्ह्यःने लाइपिं ल्याय्म्हत न्ह्यागु नं लागाय् न्ह्यःने लाइगु खँ कनादिल ।
संस्थागत विद्यालय महासंघ नेपाल इसानया अध्यक्ष सरोजराज गोसाईया सभापतित्वय् जूगु उगु ज्याझ्वःया संयोजक उकेश कवानं लसकुस यानादीगु खःसा कासामितय् प्रतिनिधित्व यानाः पशुपति प्रजापतिं न्ववानादीगु खः। कासाय् बालविकास न्हाप, प्रभात अंग्रेजी उमावि लिउ व वाइजल्याण्ड इँग्लिस स्कुल जगाति लियांलिउ लाःगु खः। कासाय् कबर्डि, फुटबल, भलिबल यानाः २७५ म्ह विजयी जूगु खः ।
