'संसदवादी दलत संविधानसभा विघटन यायेगु षड्यन्त्रय्'
एकीकृत नेकपा (माओवादी)या महासचिव रामबहादुर थापा 'बादलं' वइगु जेठ १४ गते संविधानसभा विघटन यायेगु व राष्ट्रपति साशन लागू यायेगु षड्यन्त्रय् संसदवादी दलत लगेजुयाच्वंगु द्वपं बियादीगु दु ।
सोमवाः चितवनया रत्ननगर महोत्सवया उल्लेज्या यानादिसें वयेकलं संविधानसभा विघटन जुइवं माओवादीं दकलय् तःधंगु पार्टीया कथं मजुइगु व जेठ १४ गते बहनी हे राष्ट्रपितं सेना परिचालन यायेगु षड्यन्त्रय् सत्तारुढ दलत लगेजुयाच्वंगु धयादिल ।
दलत एकतन्त्र लादे यायेगु योजनाया जानकारी नं थःगु पार्टीं लुइकूगु दावी यानादिसें वयेकलं आः दलत प्रतिगामनया पक्ष दनाच्वंगु धयादिल । वयेकलं मेमेगू दलतय्सं देशय् आर्थिक संकट ब्वलंकाः राजनीतिक नेतृत्व थःगु ल्हातय् कायेत स्वयाच्वंगु द्वपं बियादिल । वयेकलं व्यवसायीतय्त होस यानाः आवेग, विवेक व साहस यानाः न्ह्याः वनेत इनाप यानदिल ।
माघ ५ तक न्ह्याइगु रन्तनगर महोत्सवय् थीथी स्वसः व गुइछगू स्टलत तयातःगु दु ।
