जनजाति सभासदत धौख्यलय्
येँ (सन्ध्या टाइम्स)/संविधानसभाय् थीथी राजनीतिक पार्टीया प्रतिनिधित्व यानाच्वंपिं आदिवासी जनजाति सभासदत थनिंनिसें धौख्यलय् सहलहय् ब्यस्त जूगु दु।
थीथी पार्टीया नेतातय्सं हे थौंकन्हय् संघीयताया विरोधय् न्ववानाहःगु नापं गुलिं पार्टीतय्सं संघीयता विरुद्ध संघर्ष हे शुरु यानाहःगु सन्दर्भय् आः आदिवासी जनजातितय् भूमिका छु जुइमाः धइगु विषयय् सहलह ब्याकेत थ्व बैठक च्वंगु खः
।
आदिवासी जनजाति सभासद् सभा (ककस) या ग्वसालय् थौं व कन्हय् न्ह्याइगु उगु बैठकय् आदिवासी विज्ञतय्सं नं ब्वति कयाच्वंगु दु। संघीय गणतन्त्र नेपाः दुने जाति, भाषा व क्षेत्रया आधारय् आत्मनिर्णय नापं स्वायत्तता सहितया स्वशासन माग याना संविधानसभाय् न्ह्याः वनेत आदिवासी जनजाति सभासदतय् उगु ककस दयेकूगु खः ।
संविधानसभाय् सछि व गुइच्याम्ह आदिवासी जनजाति सभासद् दु ।
