खसुं यानाः गाडी दुर्घटना, प्यम्ह सित

येँ (सन्ध्या टाइम्स)/देय्या थीथी थासय् वंगु चान्हय् व थौं सुथय् जूगु सवारी दुर्घटनाय् लानाः प्यम्ह सीगु दुसा मेपिं प्यम्ह घाःपाः जूगु दु। वंगु चान्हय् पूर्व-पश्चिम राजमार्ग अन्तर्गत कालिकोटया देउखुरी लागाय् गाडीं कुतुंवनाः दशिराम चौधरी सीगु दु। अथे हे इटहरी दुलारी लागाय् वंगु चान्हय् निगः मोटरसाइकल ल्वानाः चालक सुरज राई सीगु दुसा इटहरीइ हे बसं ठक्कर नकाः छम्ह ज्याथम्ह मनू सीगु दु। उखे महोतरीया खैरा माराय् बस व ट्याक्टर ल्वानाः प्यम्ह मनू घाःपाः जूगु दु। अथे हे जलेश्वरं येँय् वयाच्वंगु ना. २ ख ६२३४ नम्बरया बस व सर्लाहीं रामनगर वनाच्वंगु ना. २ त ६८३ नम्बरया ट्याक्टर सुथय् ख्वातुक वयाच्वंगु खसुं यानाः खैरमाराय् थवंथवय् ल्वाः वंगु दु ।