लुँमधिया द्यःछेँ थनिंनिसें जीर्णोद्धार

येँ (सन्ध्या टाइम्स)/थनया २२ वडास्थित तेबाहाः दुने च्वंगु प्राचिन लुँमधि भद्रकाली अजिमाया द्यःछेँ जीर्णोद्धारया ज्या थनिंनिसें न्ह्याकीगु जूगु दु। द्यःछेँ जीर्णोद्धारया ज्या न्ह्याकेगु साइत थौं पिकयातःगु खः। थौं संस्कृति मन्त्री मिनेन्द्र रिजालं छगू ज्याझ्वःया दथुइ जीर्णोद्धार कार्यया शुभारम्भ यानादीगु ग्वसाः दु ।

उगु द्यःछेँ जीर्णोद्धारया लागिं छगू जीर्णोद्धार तथा संरक्षण संस्था दयेकाः ज्या न्ह्याकाच्वंगु दु। देगः जीर्णोद्धारया लागिं अन यायेमाःगु पुजा पाठया ज्या छुं ई न्ह्यः हे यायेधुंकूगु खः ।