उपरथी सिंहया सुनुवाइ माघ ३य्
सर्वोच्च अदालतं उपरथी तोरणजंगबहादुर सिंहयात बढुवा यायेगु सरकारी निर्णय कार्यान्वयन मयायेत थ्वस्वयां न्ह्यः ब्यूगु आदेश मेगू सुनुवाई मजूतल्लेया निंतिं लागू यायेत निर्देशन ब्यूगु दु ।
प्रधानन्यायाधीश अनुपराज शर्माया एकल इजलासं आइतवाः थुकीया बारे माघ ३ गते मेगू सुनुवाइया मिति क्वछिउगु दु । थ्वस्वयां न्ह्यः थौंतक उगु निर्देशन कार्यान्वन मयायेत आदेश ब्यूगु जारी याःगु खः ।
मानवअधिकार उल्लंघन प्रकरणय् लानाच्वंम्ह सिंहयात रथीलय् बढुवा यायेगु मन्त्रिपरिषदया निर्णय बदर यायेत माग यासें वंगु पुस १२ गते एनेकपा माओवादीया केन्द्रीय दुजः कृष्ण केसी, अखिल क्रान्तिकारीया महासचिव हिमाल शर्मा व विना मगरं मंकाः रुपं रिट दयार याःगु खः । उमिसं शसस्त्र द्वन्द इलय् भैरवनाथ गणं पीगुम्ह बन्दीतय्त वेपता यायेगु ज्याय् सिह संलग्न जूगुलिं कारवाहीया माग नं या:गु दु ।
