'यादवया रिक्त सभासद पद तत्काल पूर्ति यायेमते'
सर्वोच्च अदालतं आइतवाः तत्कालीन सभासदत मातृका यादव व जगत यादवया रिक्त पद तत्काल पूर्ति मयायेत अन्तरिम आदेश जारी याःगु दु । आइतवा: न्यायाधीशत रामप्रसाद श्रेष्ठ व तपबहादुर मगरया मंकाः इजलासं वइगु बिहीवाः तक मेगू तरिकां रिक्त पदपूर्ति मयायेत आदेश जारी याःगु खः ।
संविधानभसां शनिवाः संविधानसभाया नियामावलीया १४३ व १४४ बमोजिम निगूसलं पद रिक्त जूगु घोषणा याःगु खः । थ्वस्वयां न्ह्यः पार्टी नीति विपरित ज्या याःगुलिं पार्टी दुजःपाखें नं निष्कासित जुइधुंकूगुलिं संविधानसभाया दुजः पाखें नं चीकेत एनेकपा (माओवादीं) माग याःगु खः ।
अथेहे पार्टीं पाखें निष्कासित मातृया यादवं थःपिसं न्हूगु दल मचायेकाःगु व मत हासिल याःगु हे दलयात पुर्नगठित यानाःगु जिकिर यासें सर्वोच्चय् रिट दयार याःगु खः ।
सर्वोच्चं निगूलिं पक्षयात सहलहया निंतिं वइगु बिहीवाः सःतुगु दु ।
