माओवादीया अन्तर्क्रिया अभियान
येँ (सन्ध्या टाइम्स)/नागरिक सर्वोच्चता, राष्ट्रिय स्वाधिनता नापं थीथी कथंया माग यानाः आन्दोलन याना वयाच्वंगु एनेकपा(माओवादी) पाखें थौंकन्हय् अन्तर्क्रिया अभियान न्ह्याकाच्वंगु दु। प्यंगूगु चरणया आन्दोलन कथं राष्ट्रिय स्वाधिनताया निंतिं भारतीय हस्तक्षेप विरुद्ध उगु अभियान न्ह्याका वयाच्वंगु खः। थ्वहे झ्वलय् थौं राष्ट्रिय स्वाधिनता व नागरिक सर्वोच्चताया विषयय् बुटवल व नेपालगंजय् अन्तर्क्रिया यायेत्यंगु दु। थौं बुटवलय् जुइगु ज्याझ्वलय् महासचिव रामबहादुर थापा बादल व नेपालगंजय् ज्याझ्वलय् न्वकु नारायणकाजी श्रेष्ठ प्रकास मू पाहां जुयादी धाःगु दु। म्हिगः येँ नापं थाय्थासय् उगु कथं ज्याझ्वः याःगु खः ।
