थौं गच्छेदार सिंगापुरय्

येँ (सन्ध्या टाइम्स)/उप प्रधानमन्त्री नापं मधेशी जन अधिकार फोरम (लोकतान्त्रिक)या नायः विजय कुमार गच्छेदार थौं सिंगापुरय् झाइगु जूगु दु। म्हं मफयाः वासः यायेत वय्कः सिंगापुर झायेत्यंगु खः धाःगु दु। स्वास्थ्य समस्या ब्वलंगु कारणं थौं न्हिनय् १ बजे वय्कः छुं छुं मनूत ज्वनाः सिंगापुर झाइगु दु। वय्कलं अन सुं राजनीतिक मनूत नापलाइ धइगु खँ धाःसा सीमदुनि ।