उदाय् समाजया सहलह ज्याझ्वः
येँ (सन्ध्या टाइम्स)/ उदाय् समाजया ग्वसालय् म्हिगः थनया ग्रिन पार्टी प्यालेस कमलाछिइ विदाई व सहलह मुँज्या जुल ।
समाजया नायः रुप ज्योति कसाःया सभापतित्वय् जूगु उगु ज्याझ्वलय् उदाय् समाजया पुलांपिं दुजःपिंत विदाई नापं न्हूगु ज्यासना पुचःयात कार्यभार लःल्हाःगु खः ।
समाजया न्वकु डा. प्रेमरत्न स्थापितं लसकुस यानादीगु ज्याझ्वलय् छ्याञ्जे रमेश तुलाधरं समाजं आःतक याना वयाच्वंगु ज्याया बारे व दांभरि सर्वज्ञरत्न तुलाधरं आर्थिक पक्षयात कयाः चर्चा यानादीगु खः। अथेहे विधान संशोधन उपसमितिया संयोजक प्रा.अमृतमान ताम्राकारं विधान मस्यौदा न्ह्यब्वयादीगु खः ।
ज्याझ्वलय् पुलांगु ज्यासना पुचाःया पदाधिकारी, सल्लाहकारपिंत खादा क्वखायेकाः हंगु खः ।
