बस दुर्घटनाय् प्यम्ह सित

येँनं म्याग्दीया सदरमुकाम बेनी वनाच्वंगु छगः बस दुर्घटना जुयाः प्यम्ह सीगु दुसा स्वंगू दर्जन यात्रु घाःपाः जूगु दु । ग. १. ख. २६२९ नम्बरया उगु बस पर्वतया भूपि शेरचन राजमार्गया बेतिनीइ दुर्घटना जूगु खः । उकी लानाः अकिला बेगम घटनास्थलय् तुं सीगु खःसा मेपिं स्वम्ह अस्पतालय् सीगु खः । सीपिं मध्यय् छम्ह म्याग्दीया विष्णुकुमारी थापा खः । बसया सहचालक व मेम्ह छम्हेसिया नां सी मदुनि ।

पश्चिमांचल अस्पताल पोखराय् वासः याकातःपिं मध्यय् स्वम्हेसिया अवस्था गम्भीर जूगुलिं उमित येँय् हःगु दु । बस कुतुं वंगु थाय् तसकं मिछंगुलिं उद्धार यायेत थाकुयाच्वंगु दु ।