थौं नं अभियान
येँ (सन्ध्या टाइम्स)/ संघीयताया विरोध यानाः थीथी पक्ष व राजनीतिक पार्टीया नेतात न्ह्याः वनाच्वंगुयात ध्यानय् तयाः नेवाः स्वायत्त राज्य मंकाः संघर्ष समितिं नेवाः स्वायत्त राज्य व संघीय राज्यया पक्षय् नेवाः स्वायत्त राज्य जन जागरण अभियानया झ्वलय् म्हिगः येँया वंघलं न्ह्याकूगु खः। वंघः, वसन्तपू, यट्खा, क्षेत्रपाटी, असं व थाय्मरुय् कोणसभा याःगु खःसा नेवाः स्वायत्त राज्यया जागरण अभियानय् ब्वति कायेनु, संघीयता विरोधीतय्गु भण्डाफोर यायेनु धइगु नारा च्वयातःगु पर्चा नं इनावंगु खः। व अभियान थौं नं न्ह्याकीगु जूगु दु। थौं येँया बसन्तपुलिं उगु अभियान न्ह्याकीगु जूगु दुसा यल, थिमि व किपुली नं व अभियान न्ह्याकी धाःगु दु ।
