कार्यकर्तातय् दथुइ ल्हाःवानाः ल्वापु
येँ (सन्ध्या टाइम्स)/नेपाली कांग्रेस पर्साया ग्वसालय् जूगु कार्यकर्ता भेलाय् आसन ग्रहणया विवादय् ल्हाः वानाः ल्वापु जूगु दु ।
पार्टीया कार्यवाहाक सभापति शुशिल कोइराला मूपाहां जुयाः वीरगंज नगर सभागृहय् म्हिगः जूगु छगू ज्याझ्वलय् उगु ल्वापु जूगु खः। ल्वापुया कारणं थीथी पार्टी त्वःताः कांग्रेसय् दुहां वयेगु धकाः ज्याझ्वलय् वयाच्वंपिं सत्यां मल्याक मनूत अथें लिहांवंगु खः ।
