संसद न्ह्याकेत १७ दलया बैठक
वंगु छुं न्हि न्ह्यवंनिसें अवरुद्ध जुयाच्वंगु संसदया बैठक न्ह्याकेत थौं १७ दलया बैठक च्वनेत्यंगु दु ।
माओवादी संविधानसभा दलया ज्याकू सिंहदरवारय् च्वनीगु उगु बैठकय् संसदय् चीधंगु दलतय्सं याना वयाच्वंगु अवरोध बारे सहलह जुइ । सरकारं हयेत्यंगु दलित विधयेकयातकयाः चीधंगु दलतय्सं प्यन्हु न्ह्यवंनिसें संसद अवरुद्ध याना वयाच्वंगु खः । चीधंगु दलतय्सं समानुपातिकताया लिधंसाय् फुक्कं थासय् समान प्रतिनिधित्व जुइमाःगु सदनय् हःगु दलित विधयेक लित कायेमाःगु माग यानाच्वंगु दु । बैठकय् संविधान दयेकेत नीस्वंगु थीथी समितिया सभापति ल्ययेगु बारे नं खँ जुइ ।
