बन्दं पूर्वया जिल्लात प्रभावित

खम्वुवान राष्ट्रिय मोर्चां सरकारं थःपिं नाप याःगु सम्झौता कार्यान्वयन मयाःगु धासें शुक्रवाः पूर्वया गुंगू जिल्ला बन्द याःगु दु । मोर्चां खोटाङ, भोजपुर, ओखलढुगां, सोलुखुम्बु, धनकुटा, संखुवासभा, रामेछाप, दोलखा व सिन्धुलीइ याःगु बन्दं अनया जनजीवन प्रभावित जूगु दु ।

बन्दं अन यातायात, बजाः, पसः, शैक्षिक संस्थात पूर्ण रुपं बन्द जूगु खः । मोर्चां न्हिनसिया प्यताः इलं निसें अनया सर्वसाधारण व नागरिक समाजया इनाप कथं बन्द लितकाःगु दु । आः अनया जनजीवन सामन्य जुयावंगु दु ।

मोर्चा व सरकार दथुइ २०६४ फागुन २८ गते आत्मनिर्णयया अधिकार सहितया संघीय लोकतान्त्रिक गणतन्त्र नेपाःया पलिस्था, जातिय, भाषिक, सांस्कृतिक आधारय् संघीय राज्य स्थापना यायेगु लगायतया न्यागू बुँदे सहमति जूगु खः ।