बार चुनावय् सभाध्यक्षं मत मबीगु

संविधानसभाया अध्यक्ष सुवासचन्द्र नेम्वाङं नेपाल बार एशोसिएशनया चुनावय् मतदान मयाइगु जूगु दु । वयेकलं थः सार्वजनिक पदय् बहाल जूगु कारणं मतदानय् ब्वति मकायेगु खँ धयादीगु दु ।

कानून व्यवसायीतय् मंकाः संगठन नेपाल बार एसोसिएसनया न्हूगु नेतृत्वया निंतिं थ्वहे वइगु पुस २५ गते निर्वाचन जुइत्यंगु दु । निर्वाचनय् न्ह्याम्ह हे निर्वाचित जुसां नं कानूनी शासन, स्वतन्त्र न्यायपालिका, मानवअधिकारया ठोस आधार प्राप्त याइगु विश्वास प्वंकादिसें नेम्वाङं निर्वाचनया सफलताया निंतिं नं भिंतुना बियादिल ।

वयेक स्वयम बारया पुलाम्ह महासचिव खः ।