बन्द विरुद्ध थौं वंघलय् अभियान
येँ (सन्ध्या टाइम्स)/संघीयता विरोधीतय्सं नेवाः स्वायत्त राज्य बन्द यात धाःसा उकियात स्वीकार यायेगु जुइ मखु धासें नेवाः स्वायत्त राज्य मंकाः संघर्ष समितिं नेवाः स्वायत्त राज्य जागरण अभियान न्ह्याकेत्यंगु दु। थौं सनिलय् वंघलंनिसें उगु अभियान शुरु जुइ। नेवाःतय्सं नेवाः राज्य तकं घोषणा यायेधुंकूगु अवस्थाय् राष्ट्रिय जनमोर्चां यायेत्यंगु स्वनिगः बन्दया प्रतिकार यायेगु ल्याखं छवाःयंकं थ्व अभियान न्ह्याकेत्यंगु खः ।
