प्यलाया दुने सेना समायोजन !
येँ (सन्ध्या टाइम्स)/एनेकपा (माओवादीं) प्यलाया दुने सेना व जनसेना समायोजन यायेगु खँय् सैद्धान्तिक रुपं सहमत जूगु दु। थौं सुथय् सेना समायोजन विशेष समितिया मुँज्याय् प्रधानमन्त्री माधव नेपालं प्यलाया दुने सेना समायोजन यायेगु प्रस्ताव तयादीगु खःसा उकियात माओवादी प्रतिनिधिं सर्मथन यानादीगु खः। सेना समायोजनया विषयय् माओवादी व नेपाली कांग्रेस दथुइ आपालं असहमति दुसां नं प्यलाया दुने समायोजन सिधयेकेगु खँय् सहमत जूगु खः ।
अयोग्य लडाकु पिने
माओवादीया अयोग्य लडाकुत थनिंनिसें शिविरं पिने छ्वयेगु प्रक्रिया शुरु जूगु दु। थौं सिन्धुलीया दुधौलीस्थित निगूगु शिविरय् च्वंपिं ३७१ म्ह अयोग्य लडाकुयात शिविरं पिने छ्वयेगु ज्या जुइ। उमित भत्ता, तलब व लँ खर्च यानाः म्हतिं २२ हजार तका दां बियाछ्वःगु खः। थुमित अनमिन व युनिसेफं दछि तक निगरानी तइगु खँ धाःगु दु। उमित म्हिगः हे सैनिक पोसाक विहिन यायेधुंकूगु खःसा थौं विदाई बीगु ज्याझ्वः दु ।
