तामाङपाखें नं विरोध
येँ (सन्ध्या टाइम्स)/ नेपाः संघीय गणतान्त्रिक देय् जुइधुंकूगु अवस्थाय् संघीयताया विरुद्ध ताम्सालिङ लागा तकं बन्द यायेगु धकाः राष्ट्रिय जनमोर्चा नेपालं पितहःगु ज्याझ्वःयात तामाङतय्सं नं विरोध याःगु दु। ताम्सालिङ संयुक्त संघर्ष समितिया महाचिव कुमार योञ्जङं 'सन्ध्या टाइम्स' लिसे खँ ल्हासें बागमति अञ्चल बन्दयात तामाङतय्सं स्वीकार मयायेगु खँ धयादीगु दु। वय्कलं संघीयता विरोधीतय्त जनस्तरं प्रतिकार यात धाःसा उकिया जिम्मेवारी राष्ट्रिय जनमोर्चा हे कायेमाली धकाः नं धयादिल ।
