लेडी जेसिजया पदस्थापना
येँ (सन्ध्या टाइम्स)/काठमाडौं लेडी जेसिज-नेपालया ३२ क्वःगु पदस्थापन ज्याझ्वः नकतिनि जुल। येँ महानगरपालिकाया प्रमुख कार्यकारी अधिकृत गणेश राईया प्रमुख आतित्यथ्य् येँया सी एण्ड डब्लु रेष्टुरेन्टय् उगु ज्याझ्वः जूगु खः ।
ज्याझ्वलय् लेडी जेसिजया वर्ष २००९ या नायः जेसी सुशिला बस्नेतं वर्ष २०१० या न्हूम्ह नायः जेसी शान्तितारा मानन्धरयात अध्यक्ष पदया सपथ ग्रहण याकुसें कार्यभार लःल्हानादीगु खः। उगु हे ज्याझ्वलय् पुलांम्ह नायःया विदाई ज्याझ्वः नं जुल ।
न्हूम्ह नायः शान्तितारा मानन्धरया सभापतित्वय् जूगु उगु ज्याझ्वलय् वर्ष २०१० या महासचिव जेसी सरिता प्रधानं लसकुस यानादीगु खःसा वर्ष २००९ या महासचिव जेसी जवीन परवीनं सुभाय् बियादीगु खः ।
