माघ २ गतेनिसें स्वक्वःगु मधेश आन्दोलन
येँ (सन्ध्या टाइम्स)/मधेशी जनअधिकार फोरमं थ्वहे वइगु माघ २ गते निसें स्वक्वःगु मधेशी आन्दोलन शुरु याइगु जूगु दु। थौं च्वनीगु फोरमया केन्द्रीय मुँज्यां थुकिया निर्णय यासें सार्वजनिक याइगु खँ धाःगु दु ।
मधेशी जनतां न्हापांगु व निक्वःगु आन्दोलन यासें सरकारलिसे याःगु सहमतियात सरकारं आः तक नं संवोधन मयाःगु कारणं उकियात कार्यान्वयन यायेमाल धकाः सरकारयात दवाव बीगु लागिं आन्दोलन शुरु यायेत्यनागु खँ फोरम सूत्रं धाःगु दु ।
फोरमया केन्द्रीय बैठक थौं न्हिनय् च्वनीगु ग्वसाः दु। फोरमं थौं आन्दोलनया निर्णय यासें उकिया ज्याझ्वः नापं तयार यायेगु खँ धाःगु दु। कन्हय् छगू पत्रकार सम्मेलन यानाः आन्दोलनया ज्याझ्वः बारे सार्वजनिक जानकारी बीगु नं ग्वसाः दु ।
