न्यागू भ्रुण छथाय् हे वांछ्वयातःगु लुल

येँ (सन्ध्या टाइम्स)/येँया बागमति खुसि सिथय् थौं प्रहरीं न्याम्ह मस्तय् भ्रुण वांछ्वयातःगु लुइकूगु दु। छगू हे थासय् अथे भ्रुण वांछ्वयातःगुलिं थ्व येँया गुगुं नर्सिङ्ग होमं मचा क्वःथलाः लिकया तःगु भ्रुण जुइमाः धकाः अनुमान याःगु दु। अज्याःगु भ्रुणयात अथे लाक्वपाक्व थासय् वांछ्वया तःगुलिं कारवाहीया लागिं उगु नर्सिङ्ग होम मालेगु ज्या नं जुयाच्वंगु दु ।