'छगू जक पार्टीं धाः कथं नागरिक सर्वोच्चता कायम जुइमखु'

प्रधानमन्त्री माधवकुमार नेपालं माओवादीयात नागरिक सर्वोच्चताया नारा त्वःताः सभ्य नागरिकया पार्टी कथं ज्या यायेत इनाप यानादीगु दु । वयेकलं नागरिक सर्वोच्चता गुं नं छगू पार्टी धाः कथं मजुइगु धयादिल ।

बुधवाः दैलेख महोत्सवया उल्लेज्या यानादिसें प्रधानमन्त्री नेपालं माओवादीं जक मखसें मेमेगु राजनीतिक दलतय्सं नं प्रजातान्त्रिक लडाई नागरिक सर्वोच्चताया निंतिं ल्वाःगु धयादिसें माओवादी धाः कथं नागरिक सर्वोच्चता कायम जुइमफइगु धयादिल ।

वयेकलं शिविरय् माओवादी सेना तयाः संविधानसभाया चुनावय् वंगुलिं हे एमाले लगायत मेमेगू दलया थंज्याःगु हविगत जूगु धयादिल । वयेकलं न्हूगु संविधान घोषणा जुइ न्ह्यः स्वलाःया दुने हे माओवादी लडाकूतय् शिविर खाली यायेत सरकार दृढ जूगु धयादिल ।