सरकारया नेतृत्व प्रचण्डं हे याइगु
एकीकृत नेकपा (माओवादीं) पार्टीया नेतृत्वय् सरकार गठन जुसाः यकीया नेतृत्व अध्यक्ष पुष्पकमल दाहाल 'प्रचण्डं' हे याइगु निर्णय याःगु दु । पार्टीया उपाध्यक्ष डा. बाबुराम भट्टराईयात प्रधानमन्त्री देयेकेत भारतं दबाव बियाच्वंगु प्रचण्डयया धापू सार्वजनिक जुइवं मंगलवाः आकस्मिक रुपं च्वंगु केन्द्रीय कमिटीया बैठकं थ्व निर्णय याःगु खः ।
बैठकया निर्णय सार्वजनिक यायेत माओवादीं याःगु पत्रकार सम्मेलनय् अध्यक्ष प्रचण्डं भारतं उपाध्यक्ष भट्टराईयात प्रधानमन्त्री देयेकेत दबाव ब्यूगु विषययात थःपिंसं पार्टी दुने अन्तरविरोध ब्लंकेत स्वःगु चालया कथं काःगु धयादिसें सरकारया नेतृत्वया बारे पार्टी दुने छुं नं कथंया विवाद मदुगु धयादिल ।
पत्रकार सम्मेलनय् उपस्थित भट्टराईं भारतीय दबावं थ:गु चरित्र हत्या यायेत स्व:गु धयादिसें पार्टीं याःगु निर्णय बारे अन्तरविरोध मदुगु स्पष्ट यानादिल ।
