वैदेशिक हस्तक्षेप विरुद्ध जनमोर्चां आन्दोलन याइगु

जनमोर्चा नेपालं वैदेशिक हस्तक्षेपं आन्तरिक राजनीति व राष्ट्रियता संकटय् लाःगु धासें राष्ट्रिय मुक्तिया निंतिं जनअभियान राष्ट्रिय मुक्ति आन्दोलन यायेगु निर्णय याःगु दु ।

जनमोर्चां मंगलवाः येँ पत्रकार सम्मेलन यानाः देय् तसकं नाजुक अवस्थाय् थ्यंगुलि थ्व अभियान न्ह्याकाःगु खँ धाःगु दु । देशय् देशी-विदेशी शक्तित मुख्य यानाः भारतीय विस्तारवादया नवऔपनिवेशिक सत्तातन्त्रया चक्रब्युहया सिकार जुयाच्वंगु धासें जनमोर्चां थंज्याःगु समस्याया आन्तरिक रुपं समाधान यायेमाःगु खँ नं धाःगु दु ।

थज्याःगु अभियानं राजनीतिक आर्थिक, सामाजिक, सांस्कृतिक नापं मनोवैज्ञानिक जीवनय् लाःगु नवऔपनिवेशक दासत्वया वयापक रुपं चिरफार यायेत पुस १७ निसें येँ पाखें अभियान न्ह्याकेगु व लिपाः अभियानयात पश्चिम पाखें यंकाः लछि तक संचालन याइगु खँ धाःगु दु ।