लडाकू बहिर्गमन पुस २३ निसें
अनमिनया प्रमाणीकरणय् अयोग्य जूपिं एनेकपा (माओवादी) लडाकूया बहिर्गमन प्रक्रिया थ्वहे पुस २३ गते निसें शुरु जुइगु जूगु दु ।
अयोग्य लडाकू बहिर्गमन व पुनःस्थापना सम्बन्धी निर्देशक समिमिया सोमवाः च्वंगु बैठकं अयोग्य लडाकूया बहिर्गमन प्रकृया सिन्धुलीया शिविरपाखें यायेगु निर्णय नं याःगु दु । अयोग्य लडाकूया बस भाडा व लँ खर्च बिया लडाकूतय्त शिविरं बिदा याइगु खँ समितिं धाःगु दु ।
शान्ति व पुनःनिर्माणमन्त्री रकम चेम्जोङं अयोग्य लडाकूतय्त झिंनिगू तिगंतकया शिक्षा व व्यावसायिक तालिमया व्यवस्था याइगु धयादिल । पिने वनिपिं अयोग्य लडाकूया अनुगमन संयुक्त राष्ट्रसंघं दछि तक अनुगन याइ ।
बहिर्गमन जुइपिं लडाकूयात परिचयपौ बीगु व परिचयपौया आधारय् दछिया दुने इच्छा कथं व्यावसायीक तालिम कायेफइगु व्यवस्था दु । लडाकूतय् व्यक्तिगत इच्छा कथं पुनःस्थापना याइगु खँ मन्त्री चेम्जोङं कनादिल ।
अनमिनं ४००८म्ह माओवादी लडाकूतय्त अयोग्य प्रमाणित याःगु खः । गुकीमध्ये सिन्धुलीया शिविरय् ३७१ अयोग्य लडाकू दु । बहिर्गमन प्रक्रया सिन्धुली चितवन नवलपरासी इलाम सुर्खेत जुया रोल्पाय् थ्यंकाः माघ २४ क्वचाइ ।
