राष्ट्रपति व प्रधानमन्त्री दथुइ खँल्हाबंला

प्रधानमन्त्री माधवकुमार नेपालं राष्ट्रपति डा. रामवरण यादवयात आइतवाः न्हिनय् नापलानाः खँल्हाबंला यानादीगु दु । प्रधानमन्त्री नेपाल न्हिनय् प्यताःत्याः इलय् राष्ट्रपति भवन शितल निवास थ्यंकाः खँल्हाबंला यानादीगु खः ।

प्रधानमन्त्रीया प्रेस सल्लाहकार विष्णु रिजालं आइतवाःया खँल्हाबंला राष्ट्रप्रमुख व सरकार प्रमुख दथुइया नियमित खँल्हाबंला जूगु खँ धयादीगु दु । खल्हाबंलाय् लिप्पांगु राजनीतिक घटनाक्रम बारे प्रधानमन्त्रीं राष्ट्रपतियात जानकारी याकूगु खँ नं रिजालं कनादिल ।

अथेहे खँल्हाबंलाय् प्रधानमन्त्रीं नकतिनि यानादीगु चीन भ्रमणया बारे नं प्रधानमन्त्री राष्ट्रपति यादवयात जानकारी बियादीगु खः ।