स्वायत्त राज्य बारे अन्तर्क्रिया
येँ (सन्ध्या टाइम्स)/न्यत तुलाधर समिति, बुरांख्यःया ग्वसालय् म्हिगः 'स्वायत्त राज्यय् झीगु भूमिका व दायित्व' विषयस छगू अन्तर्क्रिया ज्याझ्वः जुल ।
समितिया नायः सागरमान तुलाधरया सभापतित्वय् जूगु ज्याझ्वलय् नेवाः आन्दोलनया न्ह्यलुवाः पद्मरत्न तुलाधरं स्वायत्त राज्य छु खः व थ्व झीत छाय् माः धइगु खँ ध्वाथुइकादीगु खः ।
अथे हे उगु ज्याझ्वलय् प्रा. भगवानरत्न तुलाधरं ज्याझ्वःया विषयवस्तुइ केन्द्रित जुसें झीत स्वायत्त राज्य मदयेकं मगाःगु व थुकिया निंतिं झी सकलें लिपा तकं लगे जुयाच्वनेमाःगु खँय् बः बियादिल ।
