विष्णुलालयात सहिद घोषणा याइगु
येँ (सन्ध्या टाइम्स)/जनआन्दोलन २०६२-०६३ य् घाःपाः जूम्ह योद्धा विष्णुलाल महर्जन म्हिगः मंत। थौं खुल्लामंचय् अन्तिम श्रद्धाञ्जलीया निंतिं वय्कःया शव तयातःगु दुसा थौं हे अन्तिम संस्कार याइगु ज्याझ्वः दु। सतुंगःया ४२ दँ दुम्ह महर्जनया अन्तिम संस्कार बःखुइ याइगु ग्वसाः दु। वय्कः जनआन्दोलनया झ्वलय् २०६३ वैशाख ७ गते प्रहरीया कथिं घाःपाः जुयाः ककुं क्वय् छुं हे मसनी कथं उसाँय् मदयाच्वंम्ह खः। सरकारं मदुम्ह विष्णुलाल महर्जनयात राष्ट्रिय सम्मान यासें कन्हय् सहिद घोषणा याइगु जूगु दु ।
