लोकतन्त्र गम्भीर खतराय् : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं विदेशीं सेनायात ल्ह्वनाः लोकतन्त्रय् गम्भीर खतराय् लाकूगु खँ धयादीगु दु । वयेकलं थ्वहे हुनी न्हूगु ढंगं विद्रोहया निंतिं तयार जुइत नं दक्वसितं इनाप यानादिल । नापं वयेकलं थंज्याःगु इलय् दक्वं दलत छप्पं जुयाः न्ह्याः वनेमाःगु खँय् नं बः बियादिल ।
शुक्रवाः बाराया डुमरवानाय् च्वंगु जनता माविया उल्लेज्या यानादिसें वयेकलं सरकारं शिष्ट भाय् मथुगु धयादिसें सरकारं ल्वाभःया भाय् जक थूगुलिं थःपिंसं संघर्ष यायेमाःगु दाबी यानादिल । वयेकलं धयादिल लातया भूत बातं न्यनीमखु । थंज्याःगु खँ न्यंकेगु उपाय झीके दु ।
वयेकलं राष्ट्रपतिया पलाः न्ह्याःगु उपाय यानाः जुसां भिंकेमाःगु धयादिसें विदेशी प्रभुतय् इसाराय् राष्ट्रपति पाखें याकूगु संवैधानिक कु मिभंकूसाः आन्दोलन जारी हे त्येगु धयादिल । वयेकलं माओवादीया निर्वाचित सरकारयात षड्यन्त्र याना: सतकय् हःगु व सरकारं जन निर्वाचित संविधानसभाया विघटन यायेगु योजना यानाः पुलांगु हे कथंया शासन लादे यायेत स्वःयाच्वंगु द्वपं बियादिल ।
