आदिवासी जनजातितय् बन्द शान्तिपूर्ण
न्हूगु संविधानय् आदिवासी जनजातितय् माग सुनिश्चितताया माग यासें आदिवासी जनजाति बृहत मोर्चां याःगु बन्द शान्तिपूर्ण जूगु दु । बन्दकर्तातय्सं न्हिनय् प्यताः इलय् हे थःपिनिगु बन्द सिधःगु घोषणा याःगु खः ।
बन्दं जनजीवन प्रभावित जूगु खंसां देय्न्यंक बन्द शान्त जूगु खः । बन्दया कारणं देय्या थीथी थाय्या जनजीवनन प्रभावित जूगु खः । येँ नं बन्दया कारणं सवारी सधान चलेमजुइवं मनूत न्यासी वनाः गन्तव्य पाखे वनाच्वंगु वः ।
बन्दया झ्वलय् प्रहरीं स्वनिगया थीथी थासं न्यय्म्ह मल्याक प्रदर्शनकारीत ज्वना यंकूगु दु । बन्दया झ्वलय् जवरजस्ती यायेत स्वःगु धासें प्रहरीं गोंगबु पाखें न्याम्ह, चक्रपथं न्याम्ह, चावहिलं झिम्ह, बानेश्वरं प्यम्ह व स्वनिगया थीथी थासं थप स्वीम्ह ज्वनायंकूगु खँ मोर्चां धाःगु दु ।
आत्मनिर्णयाय अधिकार, जातीय स्वायत्तता नापं स्वाशान, प्राकृतिक श्रोत साधनय् आदिवासी जनजातितय्गु अग्राधिकार, राजनीतिक अग्राधिकार नापं थीथी कथंया मागयात न्हूगु संविधानय् सम्वोधनय यायेमाः धकाः माग यानाः बन्दया आह्वान या:गु ख: ।
थ्वस्वयां न्ह्यः थःपिनिगु माग बारे प्रधानमन्त्री नापं संविधानसभाया अध्यक्षया ध्यानाकषर्ण याकेधुंकूसां थुकीया बारे सुनुवाइ मजूगुलिं थौं नेपाल बन्दया घोषणा याना:गु खँ मोर्चां धाःगु दु ।
