बन्दय् जूगु नोक्सानीया क्षतिपूर्ती सरकारं मबीगु

अर्थमन्त्री सुरेन्द्र पाण्डें बन्द हड्तालया झ्वलय् नोक्सान जूगुया क्षतिपूर्ती सरकारं मबीगु खँ धयादीगु दु ।

यल उद्योग वाणिज्य संघया स्वीक्वःगु साधारणसभाय् शुक्रवाः न्ववानादिसें वयेकलं अज्याःगु खँ धयादीगु खः । उद्योगी व्यवसायीतय्सं बन्द हड्तालया झ्वलय् तोडफोडं नोक्सान जूगुया क्षतिपूर्ती माग यानावयाच्वंगु खः ।

वयेकलं सरकारं कर तकं म्हय् मफयाच्वंगु इलय् थंज्याःगु क्षतिपूर्ती सरकारं बी मफइगु धयादिसें निजी क्षेत्रं हे थुकीया बारे पहल यायेमाःगु खँय् बः बियादिल ।

ज्याझ्वलय् उद्योग वाणिज्य महासंघया अध्यक्ष कुशकुमार जोशीं अप्वयावंगु बन्द हड्तालया नियन्त्रण यायेत सरकारं पहल मयाःगुलिं आपत्ति प्वंकादिल ।