बन्दं यानाः मेला प्रभावित
येँ (सन्ध्या टाइम्स)/दँय्दसं थें हे थुगुसी नं म्हिगःनिसें शुरु जूगु सक्वया साली नदीइ जुयाच्वंगु मेला थौंया नेपाल बन्दं प्रभावित जूगु दु ।
दँय्दसं पोहेलाथ्व पुन्हि अर्थात स्वस्थानी बाखं कनी कुन्हुंनिसें सक्वय् लच्छि तक मेला जुइगु परम्परा दु। स्वस्थानी बाखनय् तक सक्वया खुसियात न्ह्यथनातःगु हुनिं थ्व लच्छि धर्मालम्वित वनेगु याइ। थौं नेपाल बन्द जूगु कारणं यातायातया साधन संचालन मजूगुलिं तापाकंनिसें वयेमाःपिं भक्तजनत वने मखनाः मेला प्रभावित जूवंगु खः ।
