उप प्रधानमन्त्री हिस्स जुइमाल
नेपाःया नेतात भारतीय नेता धाल कि गुलि क्वमालि जुईपं लानाच्वन धइगु खँ हानं छक्वः प्रस्ट जूगु दु । उत्तर प्रदेशया पुलांम्ह मुख्यमन्त्री मुलायम सिंह यादविपं उकुन्हु नेपाः वयेवं होटल हयातय् च्वंवंगु खः । वय्कःपिं अनं तुं राष्ट्रपति डा. रामवरण यादवयात नापलाये धकाः पिहां वनेत्यंबलय् होटलया लबीइ उपप्रधानमन्त्री वामदेव गौतम मेम्ह छम्ह मन्त्री ज्वनाः वय्कःयात नापलाये धकाः पियाच्वंगु जुयाच्वन । तर मुलायम सिंहं थःपिं राष्ट्रपति नापलाः वनेमानि थौं ई मदु धकाः खुरुक्क वनाछ्वत । उपिं अथे यानाः वंगु खनाः उपप्रम गौतम हिस्स जुइमाःगु खँ सीदुगु दु ।
